Mir daevq sav sav aq gher daevq lar mir-a , mir teir luv luv iq ghawvq daevq lar mir-a .
maq byeir lei-e nga jir teir iq aq ma maq jawr nya , aq manr tsaev ghaq tsaev yaw teir byeir lei nya .
Zaq nyi mr dzaq khawv dawr bala khawv , zaqnyi mr dzaq khawv dawr-e aq yawvq yawq yamq khawv lar mir –a , aq manr tsaev ghaq tsaev yaw aq manr manr lei mir-a , aq manr tsaev ghaq tsaev yaw aq manr manr-e ha evq nyiq meer nyaq laer manr-eu maq nger jeir.
zaq nyi mr dzaq khawvq dawr-e ba la khawv , yaq nyi mr dzaq khawvq dawr-e aq yawvq yawq yamq lovq lar nya . dar nae yar danq bae tsaev lavq laer khaer lei mir-a , dar nae yar danq maq bae tsaev ber gaq-a da ov bov-ar zaq ovq maq bov nya jeir .
maq mr gha dzaq zaq nyi sur sar maq jawr-a jeir , maq khawv gha dawr zaq nyi sur meeq maq jawr - ar jeir .
Maq mr gha dzaq zaq nyi sur sar jawr- a , sanq tawr gha nyiq keer der aq le nga , maq khawvq gha dawr zaq nyi sur meeq jawr- a , aq caw lawr khmq paq laev keer xeer nga . Maq mr gha dzaq sanq tawr gha nyiq keer der aq le , aq cawq tseevq jiq tsanq-anr beer doer soer-m jeir.
aq cawq yar maq mr -a ha evq nyiq meer nya laer maq mr-eu maq nger jeir tiq nan maq mr aq caw tseir ovq bov nya jeir , aq cawq yar mr boer mi smr tav dzer nya jeir , maq mr gha dzaq zaq nyi sur sar sanq tawr gha nyiq keer der aq le nga .
Maq khawvq gha dawr zaq nyi sur meeq-a , aq cawq lawr khmq paq laev keer xeer nga ,
maq khawvq gha dawr zaq nyi sur meeq-a , ha evq nyiq meer nya laer maq khawvq lei-eu maq ngeur jer , tiq xawq maq khawvq aq cawq tseir lawr dawr lei jeir , aq caw eer khawvq boer mi sur tav dzeur nya jeir , maq khawvq gha dawr zaqnyiq surmeeq-a , aq cawq lawrkhmq paq laev keer xeer nga .