DAMA KAR DAWQ วิวาห์คติ อ่าข่า

DAMA KAR DAWQ

Dama  maq kar nar zaq miq maq poeq m jeir ,

Yeevq tsu maq ghovq dae yar maq jir m jeir.

Dama karmir-a zaq miq kar dawq taq nar,

Yeevq tsu ghovq mir ghovq dawq taq juq.

Dama kar mir zaq miq kar dawq nar-a nar,

Dama kar saq aq nan maq baw –ar jeir.

Yeevq tsu ghovq mir ghovq dawq juq-ar.

Yeevq tsu ghovq saq aq nan maq baw-ar jeir.

Ghanr xar nyiq ghaq mawvq-e aq tsawr nar,

Dama kar mir-a kar dawq taq nar,

Nyiq mawr mawvq-awr mawr nyoq nar,

Yeevq tsu ghovq mir ghovq dawq taq juq.

Dama kar dawq nanr dzae maq ghae,

Dama kar dawq-a  geeq lanq ghanr dzanr taq ghae yavq-awr.

Nyiq ghaq mawvq-e aq tsawr nar , nyiq mawr mawvq-e mawr nyoq nar .

Nyiq ghaq mawvq –e tsawr car gha ber ,

nyiq mawr mawvq mawr nyoq car gha ber.

Dama kar mir kar dawq taq nar. Dama kar mir kar dawq nar-a nar ,  

nyiq ghaq khar noeq bawq tov maq lar,

Nyiq ghaq noeq mir dov law maq tsaq-a jeir.

Dama kar mir kar dawq taq nar ,

Dama kar mir kar dawq nar-a nar,

Nee gaq lovq-ar dzanr baw khar xar maq gha,

Myav mawr lovq-ar dzanr baw khar tsa maq oq-ar.

Dama karmir-a zaq miq kar dawq taq nar,

Yeevq tsu ghovq mir ghovq dawq taq juq.

Nyiq ghaq mawvq –e tsawr car gha ber ,

 nyiq mawr mawvq mawr nyoq car gha ber.